5- اخوانك الصغار لاحقيهم ...وطامري معهم وين ما يروحون حتى لوماهي عادتك ....بس تصرفي معهم كانك امهم...علشان العجيز ...تاخذ فكره انك حريصة على ذريتك
6-كل ما اكلت امكاكله زينه...خليها تقول:..نفس الاكله الي تسويها بنتي ...حتى لو الاكل ..من مطعم صيني..او مكسيكي
7-اذا جيتي بتمدين ايدك...توجعي..وخلي امك تقول:...ماله داعي تنظفين البيت وملاحقه الخارجيه(اقول: نظفي غرفتك اول الي تقولين ثايره فيها قنبله نوويه)
8-اذا تكلموا الحريم عن العرس.....اكتمي نفسك....لين تحمر خدودك...علشان يقولون العجايز : البنت تستحي ومالنا حق نتكلم عندها...( بس لا تكتمي نفسك مره اخاف تروحين فيها واصير جنيت عليك واصير ذبحت نفس بريئه بغير حق همن يشنقوني>>فاهمه غلط)
9-مهما كام موضوع الحوار حماسي لا تبدين رايك خليك مثل :..البكما..لان القافه ..تجيب اجل الخطة
10-شعرك افرديه ...لا تخلينه طاير....ولا تجعدينه....مهما كانت الموضه...لان العجايز ما يدورون الا الي.... شعورهم ناعمه
11-اذا ادلت العجوز..ام المعرس المتوهق.. باي راي سواء سياسي والا اجتماعي او اقتصادي ....وافقي عليه...حتى لو كان ماسخ وماله داعي
مثال: تقول العجيز: بوش متقهوي عندنا اليارح.........قولي لها:يا خاله ليه ماقلتي لنا نجي نساعدكم >>يمديكم على الفكره الخنفشاريه
12-في العرس...اضغطي على نفسك..واقضبي ارضك...ولا ترقصين........واعتبري الرقص عيب وشق جيب
13-اذا جاء طاري السوق...وهو لازم يجي طاريه...لانه ملح الجلسه عند الحريم...خلي امك تقول:...بناتي ما يحبون يطلعون السوق ابوهم يجيب اغراضهم
الحين تكون العجوز وقعت في الفخ نيهاهاها>>ضحكة شر
ثانيا: نروح للمعرس الحين
1- اهجدي في بيت هلك ولا عاد تطلعين واذا جا المعرس...يبي يشوفك خلي ابوك يقول: ودي تشوف البنت بدون ما تدري علشان تاخذ راحتك وانا عمك ..وبعد تشوفها على الطبيعه
ما تقول: غشيتوني( ايه هين يا الشايب ودك تحط مكانها باسكال مشعلاني مدري شسمها)
2- قبل يجي اليوم الي يبي يشوفك..بحوالي اسبوع او اكثر ( حسب شين الوجه) طامري من صالون لصالون ..صبغ ..فرد..تنظيف بشرة..سلخ جلد>>مو كنك طلعتي برا الموضوع
3- اذا جاء المعرس خلي اخوكي يوقف جنبه علشان ما يطيل التبحلق ...ويبان المستخبي ...وذلك تطبيقا للمقوله المشهورة(...اللمحة...ذبحة...)
4- في نهاية المشهد..خلي ابوك يقول:..معليش وانا عمك....ترى البنت شويه محيوسه..( ماعليه يالشايب تنصب على المسكين
وبها الحظه الولد الافدغ..بينط على راس عمه ويبوسه ...لين يشفط مخه ..ويقول ..متى العرس يا عم
(تــَحـْذيرْ مــهم كـثير مَـرتنْ بالحـيـل)
ابتعدي عن امهات العيال المتعلمات ....راعيات الشنطه نفس لون الجزمة
الثلاثاء أغسطس 14, 2007 3:03 am
منقول